.jpg)
2019 жылдың 14-18 қаңтар арасында мектебімізде қазақ тілі мен әдебиеті пәнінің апталығы өтті.
Апталық өткізу мақсаты: оқушылардың қазақ тіліне деген қызығушылықтарын арттыру, мемлекеттік тілді білуге, мәдениет пен дәстүрді қастерлеуге баулу. Апталықтың алдында мұғалімдермен бірнеше рет кездесіп, мұғалімдер өздерінің қандай тақырыпта және қандай іс-шара өткізетіні талқыланды. Апталық барысында бірлестік мұғалімдері барлық сыныптарда әр түрлі іс-шаралар өткізді. Бірінші күні, 14.01 «Тіл – достықтың тірегі» атты апталықтың ашылу болды, стенд рәсімделді, онда ақындардың тіл туралы нақыл сөздері мен директормен бекітілген, апталықта өтетін іс-шаралар жоспары көрсетілді.
Жоспарланған сабақтар мен сыныптан тыс шаралар уақытында өткізілді.
9-сынып оқушылары арасында «Кім жүйрік?» интеллектуалдық марафон, 6-сынып оқушылары арасында өткізілген «Қазақша КВН» зияткерлік ойынында оқушылар пән бойынша, сондай-ақ тарих пен мәдениетке байланысты сұрақтарға жауап бере білді.
Бастауыш сынып оқушылары арасында «Сөзжұмбақтар» байқауына оқушылар аса қызығушылықпен қатысты.
Сонымен қатар «Өлең – сөздің патшасы» атты мәнерлеп оқу сайысына оқушылар белсене қатысты. 
5-11-сынып оқушылары мен мектеп ұжымы арасында «Қазақшаңыз қалай?!» сауалнама жүргізілді, онда қатысушылар сұрақтарға қазақша жауап беруді тырысты. 7-10-сынып оқушылары арасында «Үздік эссе» байқауы өткізілді.
Апталық барысында сыныптан тыс шараларымен қатар қазақ тілі мен әдебиет пән мұғалімдері ашық сабақтар да өткізді.
Жангарина А.Е. 3«Б»-сыныбында «Ұлттық аспаптар» атты сабақ өткізді. Оқушылар қазақ халқының ұлттық аспаптардың үндерін естіп, оларды ажыратуға үйренді.
Исина Г.М. 6«Б»-сынып оқушыларымен «Ең жақсы мамандық» тақырыбында сабақ жүргізді. Сабақ барысында оқушылар мамандықтармен танысып, рөлдік ойындар бойынша көрініс көрсетті 
11-сынып оқушылары «ҚР Парламенті» атты сабақты Сайдалинова А.З. өткізді. Өз сабақтарында мұғалімдер жұптық, топтық жұмысының әдіс-тәсілдерін қолданды.
Апталықтың жабылуы мектеп оқушыларының қатысуымен 18-қаңтарда өткізілді.
Апталықтың нәтижесі бойынша оқушыларға жүлделі орындар мен белсенді қатысуы үшін 100-ден астам марапаттау қағаздары берілді.
Сонымен қатар КИО олимпиадасының («Күз-қыс» маусымы) жеңімпаздарына 10 диплом және «Тіл – тәуелсіздік символы» олимпиадасы бойынша 2-орынға ие болған 15 оқушыға, 10-сынып оқушысы Лукьянов Максимге облыстық кезеңінде І дәрежелі, республикалық кезеңінде ІІ дірежелі дипломдар тапсырылды.
Апталықтың өту барысында 6 оқушы «Жарқын болашақ» республикалық олимпиадаының аудандық кезеңіне қатысты, 9-сынып оқушысы Сақибаев Сұлтанбек «Тілші-әдебиетшілер» номинациясында ІІ дәрежелі дипломға ие болды.
ӘБ жетекшісі Сайдалинова А. З.
Посмотреть новость на сайте учреждения
