Оқушылар Мемлекеттік қызмет стандартына сәйкес 1-сыныпқа 2020 жылғы 01 маусымнан 1 тамызға дейін egov.kz., e.astana.kz (SAKURA) автоматтандырылған жүйесі арқылы қабылданады. Автоматтандырылған тіркеу 1-сыныпқа баратын балалардың ата-аналарына мектепті, оқыту тілін тандауға, мектептерге берілген мекен-жайларымен танысуға, сондай-ақ оқуға қабылдау құжаттарын тіркеуге және электронды түрде өтініш беруге мүмкіндік береді. Қажетті құжаттар тізімі:

✅ Ата-аналарынан өтініш (немесе оларды алмастыратын тұлғалардан);

✅ Баланың туу туралы куәлігінің көшірмесі;

✅ «Бала денсаулығы паспорты» 026/у-3 нысаны бойынша денсаулық жағдайы туралы құжат;

✅ 063/у нысаны бойынша денсаулық жағдайы туралы құжат;

✅3х4 көлеміндегі 2 фото.

🎒Ерекше білім берілуіне қажеттілігі бар балаларды білім беру ұйымдарына оқуға қабылдау баланың ата-анасының немесе өзге заңды өкілдерінің келісімімен педагогикалық-медициналық-психологиялық консультация қорытындысы ескеріле отырып жүзеге асырылады.

🎒17 тамыздан бастап Жазғы мектеп жұмыс істей бастайды. Оған ата-аналардың қалауы бойынша мектепке дейінгі мекемелерде болмаған немесе мектепалды даярлықтан өтпеген балалар бара алады.

Көрсетілетін қызметті берушіге құжаттарды тапсырған күннен бастап рәсімнің мерзімі - бес жұмыс күні.

Электрондық сандық қолтаңбамен (ЭСҚ) қабылдау туралы өтінішті растаңыз. (жоқ болса, онда ХҚКО-ға хабарласыңыз).
Назар аударыңыз!

Құжаттардың сапасыз көшірмелері болған жағдайда, жалған, оқылмайтын белгілер, дұрыс емес мәліметтер, құжаттары толық емес пакеті анықталған жағдайда, қабылдау комиссиясы қызмет көрсетуден бас тарту себебін көрсете отырып, қабылдаудан бас тартуы мүмкін.

"№23 орта мектеп" КММ, тел.50-15-91