Жазғы бейіндік легерьдің 13 маусым күні өткізілген жұмысы туралы мәлімет.
2023 жылдың 13 маусымында мектепішілік «ЖАЗ-2023» жазғы бейіндік лагерінің «Туған өлкем» бағытының оқушылары халқымызға есімі кең тараған – Кенесары ханның ескерткішіне барудан бастады. Хан Кене – тарихи тұлға туралы қызықты деректермен танысты. Еліміздің кең-байтақ даласында орналасқан түрлі табиғи көріністермен танысу мақсатында ашық аспан астындағы мұражай – Атамекен миниатюра паркін аралап, шығыс пен батыстың, солтүстік пен оңтүстіктің әдемі көріністері мен ескерткіштерінің кішігірім модельдерін тамашалады. «Жас құтқарушы», «Жас полицей», «Жас дебатёр», «Жас психолог» бағытының балалары ақын, жазушы, қоғам қайраткері, Қазақстан Жазушылар Одағының негізін қалаушы Сәкен Сейфуллин музейіне барды. Музейде балалар жазушының алғаш хат тануынан бастап, шығармалары, жүріп өткен жолы, еңбегі, саяси қуғын жылдарындағы ауыр өмірі және ақынның шынайы өмірде қолданған заттарымен танысып, саяхаттан мол әсер алды.
«Қазіргі заманғы кәсіпкер», бағытының оқушылары ойынтехникасы заманауи кәсіпте тақырыбында тренинг өткізді. Тренинг мақсаты: оқушылар арасында бәсекелестікке қабілетті ойын арқылы дамыту болды. Тренинг өз мақсатына жетті.
«Жас суретші» бағытының оқушылары Орталық саябаққа барып, пленэрлық кескіндемемен жұмыс жасады.Бұл кескіндеменің ерекшелігі-шеберханада емес, табиғат аясында жұмыс жасау. Оқушылар «Менің арманымдағы қала» тақырыбында сурет салды. Сабақ өз мақсатына жетті.
Жаңалықты мекеменің сайтында қарау