В отряде «Барбарики» провели мероприятие «Давай познакомимся!»
<p>18 маусым күні сағат 16:20-да <strong>«2017-2018 оқу жылының қорытындылары және ұлттық біліктілік тестілеуінің нәтижелері. ҰБТ-2018 басталуы»</strong> тақырыбында баспасөз конференциясы өтеді.</p><p><strong>Спикерлер:</strong> ҚР Білім және ғылым вице-министрі Асхат АЙМАҒАМБЕТОВ, ҚР БҒМ мектепке дейінгі және орта білім департаментінің директоры Шолпан КАРИНОВА, Қазақстан Республикасы Білім және ғылым министрлігінің Ұлттық тестілеу орталығының директоры Рамазан ӘЛІМҚҰЛОВ.</p><p><strong>2017-2018 оқу жылындағы мектеп бітірушілерді аттестаттаудың қорытындысы</strong></p><p>2017-2018 оқу жылында <strong>147 023</strong> түлек орта мектепті бітіріп, 29 мамыр - 9 маусым аралығында қорытынды аттестацияны тапсырды. «Алтын белгі» төсбелгісіне үміткер <strong>6 892</strong> түлектің <strong>6 780-і (98,4%)</strong> өз білімдерін растап, «Алтын белгі» төсбелгісін алды.</p><p>Үздік аттестатқа үміткер <strong>4966</strong> үздік бітірушінің <strong>4915-і (99%)</strong> өз білімдерін растады. Биылғы оқу жылында <strong>1,2,7</strong> сынып оқушылары жаңартылған білім жүйесінің оқулықтарымен білім алды. Оқушылардың білім сапасы жақсарды. Жалпы, оқу жылы жақсы көрсеткіштермен, сәтті аяқталды. Ата-аналар да, балалар да риза.</p><p><strong>2018 жылғы Ұлттық бірыңғай тестілеу (ҰБТ) 20 маусым - 1 шілде аралығында өтеді.</strong></p><p> Ұлттық тестілеу орталығының мәліметінше, биыл ҰБТ-ға қатысуға 92 827 түлек ниет білдіріп, өтініш жазған. Олар биылғы мектеп бітірушілердің жалпы санының (131 377) 70% құрап отыр. ҰБТ тапсыруға ниетті 69 209 түлек қазақ тілінде, ал 23 618 – орыс тілінде тапсырады. ҰБТ 165 тапсыру пунктінің 1431 аудиториясында өткізіледі. Барлық аудиториялар байланыс сигналдарын бөгейтін құрылғылармен, металл детекторларымен, ҰБТ барысын бақылау және жазу бейнекамераларымен, сондай-ақ, онлайн тарату камераларымен жабдықталған. Тест тапсыру пунктерінің барлығы ҰБТ-2018-ді өткізуге дайын.</p><p> </p><strong>БҒМ баспасөз қызметі.</strong>
http://www.pkzsk.info/milliardy-iz-kazny-vydelyat-na-razvitie-severo-kazakhstanskojj-oblasti/
