Жаңа жылдан бастап сырттай оқу тоқтатылады

2019 жылдың қаңарынан бастап Қазақстанда сырттай оқу тоқтатылады. Бұл туралы ҚР Білім және ғылым министрі Ерлан Сағадиев айтты, деп хабарлайды Elnews.kz.

Министр dialog.egov.kz платформасында қойылған сұраққа жауап беру кезінде сырттай оқудың тоқтайтыны туралы айтқан.

«2018 жылы 4 шілдеде қабылданған Заңға сәйкес Қазақстанда сырттай оқу 2019 жылдың 1 қаңтарынан бастап тоқтайды. Қазір сырттай оқып жатқан студенттер болса, оқуларын аяқтағанша оқиды. Жаңа заңда жоғары білім бағдарламаларын меңгеру мерзімі алынып тасталған. Осыған сәйкес, жоғары оқу орындары оқыту нәтижелерін ескере отырып, бакалавриат бағдарламасын жылдамдатылған режимде аяқтауды көздейтін интеграцияланған білім бағдарламаларын әзірлейтін болады. Заңда жоғары оқу орындарындағы ақылы оқудың бағасын реттейтін норма да алынып тасталған. Яғни, осы тұста азаматтардың жоғары білім алу мүмкіндіктерін кеңейту қарастырылмақ. Енді білім бағдарламалары бойынша оқу төлемақысының көлемі мен білім қызметтерін көрсету шартының формасын жоғары оқу орындары өздері бекітетін болады», - дейді министр.

Чтобы оставлять комментарии авторизуйтесь

OTANBILIM

Новости

Жаңа жылдан бастап сырттай оқу тоқтатылады

Обсуждение не найдено