№81 "АSTANA ENGLISH SCHOOL" мамандандырылған гимназиясында Білім күні аталып өтті. 2018 жыл қазақ халқы үшін абыройлы жыл болды. Елордамыз Астанамыздың 20 жылдық мерейтойын тойладық. Сонымен қатар, еліміз БҰҰ сынды әлемдік ұйымның құрылымына екінші рет төрағалық етіп халықаралық аренада мәрте мерейі артты. ХХІ ғасыр бой жарыстыратын емес, ой жарыстыратын жастардың заманы. Біздің басты мақсатымыз – бәсекеге қабілетті білімді шәкірт тәрбиелеу. Ал, ол үшін дамыған елдермен тәжірибе алмасу өте маңызды. 81 "Astana English school" гимназиясының басты ұстанымы да осы. Бүгінде мектебімізде халықаралық дәрежеде білім беретін 13 шет ел мамандары қызмет етеді. Балалар өмірінде айырықша мәні бар, айтулы күнде шет ел мамандары мектеп табалдырығын аттап отырған бүлдіршіндерімізді ортаға алып шықты. Бұл күн бірінші сыныпқа баратындар үшін аса маңызды болса, біздің мектеп үшін дәл бүгінгі күн ерекше маңызға ие. Себебі, мектеп тарихында алғаш рет 11 сынып оқушылары білім алмақ. Бұл - тарихи сәт. Осы мерекелік күнде мектеп табалдырығын аттап отырған бүлдіршіндерді құттықтауға қазақ эстрада жұлдызы, әнші Маржан Арапбаева келіп, әсем әннен тарту етті. Жаңа оқу жылының алғашқы қоңырауын 1- сынып оқушылары Сембаев Анвар, Бауыржанқызы Анель мен 11- сынып оқушылары Нұрмағанбет Ерасыл және Мұқашева Мөлдір соқты. Жаңа оқу жылы оқушыларымызға жаңа білімге бастар жол деп білеміз. Олай болса, барлық ұстаздар қауымын құттықтай отырып, 2018-2019 оқу жылы табысты, жемісті жыл болсын дегіміз келеді.
