Алтын шапақ шашыратып көгінен
Күз кеп жетті сағыныштан сезіммен
Балапандай ұясына асыққан
Шәкірттерін шаттандырып сеніммен, -
деп басталған жүргізушілер сөзі әр жүректі толқытты. Шуақты қыркүйек айының алғашқы күні барша оқушы қауым алтын ұя мектебіне қайта оралып, мектеп табалдырығын алғаш аттаған балғындармен бірге сыңғырлаған қоңырау үні табысып отыр. 2018-2019 оқу жылында Қазақстан Республикасының Тәуелсіздігінің 27 жылдығы, Ата Заңымыздың 23 жылдығы, қасиетті қазақ жерін тең бесік етіп бейбітшілікке бөлеген Қазақстан халқы Ассамблеясына биыл 23 жыл толуы, ең бастысы еліміздің рухын көтеретін, ұлы мақсаттарға жеткізетін «Рухани жаңғыру» бағдарламасы – елімізді өз мақсатына талай дәуір сынынан сүріндірмей жеткізетін тұғырлы бағдарлама болуын Алла тағала нәсіп етсін.
Бар мектептің басталар бүгін жыры
Бақ қоңырау шақырып ұғымдыны
Жаңа оқу жылы басталды ұстаз, шәкірт
Құтты болсын бүгінгі Білім күні! – дей отыра Қазақстан Республикасының мемлекеттік туына қарап сап түзеліп, « Елім менің» әуенімен Ту енгізіліп, Әнұран орындалды.
Жаңа оқу жылының басталу салтанатының алғашқы құттықтау сөз кезегі Астана қаласы № 48 мектеп-лицей директоры, Қазақстан Республикасы білім беру ісінің құрметті қызметкері, білім үздігі, Ыбырай Алтынсарин медалінің иегері Зәуре Жақанқызына берілді.
1-сынып оқушыларының құрметіне ән шашуы жолданды, 2 «Б» сынып оқушысы Мұратқызы Нұрай «Астана» әнін орындады.
Мектебімізге келген Қадірменді қонақтарымыз Балалар құқығын қорғау комитетінің бас маманы Әбдікәрім Мәншүк Сәметқызы мен «Астана дарыны» директорының орынбасары Жанар Мәулетханқызы оқушыларға жаңа оқу жылында талмас талап тілеп, білімді ұрпақ болып өсулеріне тілекші екендерін де атап өтті.
Қоңырау сыңғырла асыға
Үн қосқан қиялдан асуға
Білім ал, еңбек ет, жас ұлан
Өрле сен, биік щың басына
Алғашқы қоңырау соғу рәсімі жүргізілді. Қоңырау соғылып болған соң, ойша асқақ армандарын ойлап, 1-сынып оқушылар шар ұшырды. Мектеп оқушылары түзеліп, тік тұрып, Қазақстан Республикасының мемлекеттік туы шығарылды.
Мереке зор қуаныш-білім күні,
Сыңғырла қоңыраудың алғашқы үні
Қош келдің, құтты болсын қадамдарың,
Балдырған, балғын жандар өмір гүлі- дей отырып жас бүлдіршіндер
«Астана-тәуелсіз Қазақстанның жаңа келбеті» атты білім сабақтарына шақырылды.
