2018 жылы 1 қыркүйек күні мектебімізде жылдағы дәстүр бойынша Білім күні аталып өтті. Салтанатты жиынға арнайы қонақтар мен ата-аналар, оқушылар мен мұғалімдер қатысты. Мектеп ұжымы жаңа оқу жылында оқушылар мен мұғалімдерге шығармашылық табыс тіледі. 1 сынып ата-аналары оқу жылының басталуымен құттықтап, саналы ұрпақ тәрбиелеп жатқан ұстаздарға алғыс білдірді. Биылғы оқу жылында бірінші сыныпқа 260-қа жуық оқушы қабылданды. Мектеп табалдырығын алғаш аттағалы тұрған 1 сынып оқушылары мәнерлеп өлең оқып, мектебіміздің өнерпаз оқушылары әннен шашу шашты. Алғашқы қоңырауды 1 сынып оқушысы Қасым Аружан мен 11 сыныптың үздік оқушысы Жақанов Нұржан соқты.
