№51 мектеп-гимназиясында сенбіліктің жүргізілгендігі жөніндегі мәлімет
2018 жылдың 10 қыркүйек-10 қазан аралығында Астана қаласының Білім басқармасы Астана қаласы әкімінің 2018 жылғы 10 қыркүйектегі №205-34 өкімі негізінде, Астана қаласын абаттандыру,көгалдандыру мен санитарлық тазалау бойынша жұмысты уақтылы үйлестіруді қамтамасыз ету мақсатында келген бұйрықтың негізінде №51 мектеп-гимназиясында «Экологиялық айлық» аясында сенбіліктің айлық жоспары жасалды. Жоспарға сай аталған шараға 2-11 сыныптар оқушылары, мектеп ұстаздары мен ата-аналар қатыстырылды. 22 қыркүйек күні қалалық сенбілік таңғы 9.00-де басталып сағат 13.00-де аяқталды. Қалалық сенбілікке белсенді қатысу мақсатында «Біз таза қаланы қолдаймыз!» атты тақырыпта 2-11 сынып оқушылармен әңгімелер, тәрбиелік сұхбаттар жүргізілді. Сенбілікке қажетті құрал-жабдықтармен (тырма, курек, сыпырғыш, қолғап, қоқыс салуға арналған қаптар т.б) қамтамасыз етілді.
Директордың бастауыш сыныптар бойынша оқу ісінің орынбасары А.А.Төлегенова, тәрбие ісі жөніндегі орынбасарлары С.А.Молдашбаева, Ғ.Қ.Ысмайыл, шаруашылық жөніндегі орынбасары Г.Ж.Тулегеновалардың жетекшілігімен 2-7сыныптар мектептің ішкі тазалығына, жоғарғы сынып оқушылары мектеп ауласының тазалығына атсалысты. Мектептің акт залы, спорт залына, сынып бөлмелеріне, мектеп ауласына тазалық жұмыстарын жүргізді. Мектеп медбикесі балалардың өмір қауіпсіздігі мен денсаулығын қадағалау мақсатында оқушылармен бірге сенбілікке атсалысты.
