2018 жылдың 1-қыркүйегінде білім күніне орай мерекелік іс-шара өтті. Барлық оқушылар жазғы демалыстан кейінгі көңіл күйлерімен бөлісіп, іс - шараға ат салыса қатысты. Мектеп мұғалімдері оқушыларды құрметпен күтіп алып, жаңа оқу жылын бастауда ақ тілектерін білдіріп, жылы шыраймен қарсы алды. Алғашқы сөзді мектебіміздің директоры Д.М. Джумартоваға берілді. Мектеп директоры оқушыларға жылы лебіздерін білдіріп, жаңа оқу жылын сәтті бастауға, алға қойған мақсаттарға жетуге, алдағы күтіп тұрған 11 сынып оқушыларына сәттілік ақ жол тіледі. Мерекелік іс-шара басталмас бұрын Қазақстан Республикасының Мемлекеттік Әнұраны орындалды. Бұл іс-шарада орта буын оқушылары ән айтып, мерекелік көңіл-күйді арттыра түсті. 1-сынып оқушылары үшін бұл іс-шара ерекше болды, олар үшін білім баспалдағы енді басталғандықтан арнайы алғашқы қоңырау соғылды. Әр түрлі әндер айтылып, жылы лебіздер білдірілді. Мереклік іс – шара соңында оқушылар мен ұстаздар жақсы әсер алып, жаңа оқу жылын бастауға шабыттана түсті. Алғашқы қоңырау мерекесі жоғары деңгейде ұйымдастырылып өткізілді.
