Ұстазға тағзым

 Шәкірттерін білім нәрімен сусындатып, тәлім – тәрбие беру, жақсы қасиеттерді бойына дарытып, адамгершілік рухта бағыт – бағдар беруде ұстаздың еңбегі зор. Сондықтан да ол әрдайым қасиетті тұлға ретінде ерекшеленеді. Жылда жаңа оқу жылымен қатарлас келетін Ұстаздар күні де күздің үлесіне тиіпті. Осыған орай, қыркүйектің жиырма жетінші жұлдызында № 73 мектеп - лицейінде жыл сайын ұйымдастырылатын «Мұғалімдер династиясы» атты іс – шара аталып өтті. Ондағы мақсат: Абыройлы міндетін ақаусыз атқарған мұғалімді халқымыз қашанда ерекше құрмет тұтқан дегендей: “Мұғалімдер династиясы”, “Ең үздік тәлімгер”, “Ең үздік жас маман” номинациялары бойынша Астана қаласы мектептерінде үздік шыққан мұғалімдердің еңбегін елеп, марапаттау болатын.
Мектебімізден жас маман, химик Сатыбалды Ұлдидар Нұрғалиқызы қатысып, үздік жас маман номинациясы бойынша марапатталды. Салтанатты марапаттау кеші Астана қаласы Білім басқармасы А.Жангозиннің ұстаздарды мереке күнімен құттықтау сөзінен бастау алды.
Іс – шарада “Мұғалімдер династиясы”, “Ең үздік тәлімгер”, “Ең үздік жас маман” атты номинацияларды жеңіп алған мұғалімдерді ерекше марапаттап, ортаға дөңгелек үстелге сұхбаттасуға шақырып, педагогикалық еңбек жолында болған түрлі жағдайларға сұрақтарға жауап беру, әңгімелесу арқылы өтті. Осындай іс – шара арқылы жас мамандардың еңбекте шыңдалуына, тәжірибе жинауына мол үлес қосып, еңбегін елеп, арнайы марапатталаулар ұйымдастырғаны үшін Астана қаласының Білім басқармасына алғысымыз шексіз.