Бүгін, яғни қазанның 15-і күні Қазақ мектеп-гимназиясында «Бүкіл әлем сөйлейді нақты ғылым тілінде»атты тақырыппен математика, информатика және физика пәндері онкүндігінің салтанатты ашылу рәсімі өтті. Ашылуға 7-8 сынып оқушылары қатысып, өз өнерлерін ортаға салды.Әсіресе 8 «ә» сынып оқушысы Дюсенова Шырайлым мен 8 «в» сынып оқушысы Әлжанов Акжайықтың жүргізушілік қабілеттерімен ашылу рәсімі жандана түсті. Нақты пәндер туралы өлеңдер оқылып, әндер де шырқалды. Көрермендер де шет қалмай , математика, физика және информатика пәндері туралы жинақталған викториналық сұрақтарға ұтымды жауап беріп жатты. 8 сынып оқушылары Диляра және Әсел атты қыздарымыз «Ананың тілі» өлеңінің мақамына салынған «Математика» туралы әнді шебер шырқап шықса, 7 сынып оқушысы Рахат атты ұлымыз «Түрікмен» күйін көрермен назарына тарту етті.Сонымен қатар нақты пәндерді оқудың күнделікті өмірде қажет екендігі туралы жарасымды әзілдер де айтылып жатты.Ашылу рәсімі онкүндік іс-шараларына қатысуда белсенділік танытып, бірлестік тарапынан ұйымдастырылған «INDULGENZA» ынталандыру шартының қосымша 1ұпайын иеленуге шақырумен жабылды.
Жауапты мұғалім: физика пәні мұғалімі Топышева Х.Т.
