Ұстаз! Қандай қасиетті сөз! Ұстаз деген – ұлы есім. Адамзатты тек қана білімге ғана емес, сондай –ақ кішіпейілділікке, қарапайымдылыққа, адамгершілікке тәрбиелейтін мамандық иелерінің еңбектері өте зор. Бүгін "Ұстаз -ұлы есім" деген тақырыппен №81 "Astana English school" мамандандырылған гимназиясында ұстаздарға арналған мектеп оқушыларының концерті өтті. Гимназия директоры Гүлнар Дінғуатқызы мектеп ұжымын бүгінгі тамаша мерекемен құттықтап, ізгі тілегін білдіріп, ұстаздарды марапаттады. Қазақстан Республикасы Білім беру ісінің құрметті қызметкері төсбелгісімен Джылыбаева Зәуре Жолдыбайқызы марапатталды. Басқа да ұстаздар ҚР Білім және ғылым министрлігінің Құрмет грамотасы, Алғыс хатымен, Астана қаласы «Әділет» Кәсіподақ ұйымының Алғыс хатымен, Нұротан партиясы Алғыс хатымен марапатталды. Бүгінгі концертте ұстаздарды құттықтап Қазақстан эстрадасының жарық жұлдызы, жас әнші Мұхамедәли Жүгінісов және "АРТ Мюзик" квартеті келіп құттықтап. ән шашуын ұсынды. Мектеп өнерпаздары да ұстаздарына арнап әндерін шырқап, билерін билеп, сахналық қойылымдарын көрсетіп, тамаша көңіл күй сыйлады.
