Ұстаздар күні – айтулы мереке. Мектебіміздің өзін-өзі басқару ұйымы ұстаздар мерекесіне орай ерекше іс-шаралар ұйымдастырып, ұстаздарға деген құрметін білдірді.
Мерекелік күн ұстаздарға ықылас білдіріп, қарсы алудан басталып, оқушылар кеңесінің сабақтарымен жалғасты. Мұғалімдерінің орнына сабақ беріп, сынып жетекшілік міндеттерін атқару арқылы ұстаз өмірінің бір қырын тануға мүмкіндік алған жоғарғы сынып оқушылары мерекелік күнге үлкен үлес қоса білді. Сонымен қатар, «Жұлдыздар аллеясын» безендіріп, ұстаздар есімімен ашылған жұлдыздарды көше бойын жағалата іліп, мектеп ішін ашық хаттармен безендірді. «Жас Ұлан» жастар ұйымы мүшелері өз кезегінде ұстаздарға арнап ашық хаттар әзірлем, музыкалық шашуымен құттықтады.
Мектебіміздің өнерлі оқушылары салтанат залында мұғалімдерге арнап өнер көрсетіп, концерттік бағдарламаларын ұсынды. Қазақстан мен шет елдің әр түрлі оқу орындарында білім алушы түлектер жеткен жетітіктері үшін ұстаздарына алғыс айтып, құттықтау бейне баянын жолдады.
