2018 жылдың 29 казан күні мектебіміздің 5-9 сынып оқушыларының күзгі демалыс уақытын тиімді пайдалану мақсатында және "Марғұлан ізімен" туристік - өлкетану экспедициясы аясында Өміржан Ботакөз Қалыбекқызының жетекшілігілімен оқушыларымыз Қарағанды облысындағы Карлаг музейінде болып келді. Жаппай саяси қуғын-сүргін кезінде ұйымдастырылған ГУЛАГ лагері қазірде мұражай ретінде сақталуда. 2004 жылы Елбасымыздың жарлығымен ашылған Мұражайда КарЛаг тарихына байланысты, қуғын-сүргін көрген адамдардың тағдырына қатысты жәдігерлер мен мұрағат құжаттары сақталған.
