Сырбай Мәуленов атындағы №37 орта мектепте 30 қараша таңғы 08.00-17.00 аралығында Тұңғыш Президент күніне орай сынып сағаттары, спорттық турнирлер мен жарыстар, эстафеталар, мерекелік концерттер мен эссе, сурет, қабырға газеттері байқаулары ұйымдастырылып, Ұлт көшбасшысы оқушылар, педагогикалық ұжым мен ата-аналар арасында дәріптелді.
30 қараша күні 1-2 ауысымның бірінші сабағы 1-4 сыныптар үшін "Елімнің тұңғыш президенті", 5-7 сыныптар үшін «Қазақстан көшбасшымен бірге», 8-11 сыныптар үшін «Қазақстан Республикасының Тұңғыш Президенті - Ұлт көшбасшысы» тақырыптарында бірыңғай сынып сағаттары өткізілді. Сынып сағаттары бір мезгілде мемлекеттік Әнұранды орындаудан басталды. Сабақтар мазмұны мен ұйымдастырылуы, оқушылардың белсенділігі, зерттеушілігі тұрғысынан жоғары деңгейде өтті.
