Биылғы жылы біздің мектебімізде Жаңа жыл мерекелері 5 кезеңде өтті. Әғни 26 желтоқсан күні даярлық топтарында «Келді міне, Жаңа жыл!» мерекесі өтті. Даярлық топтарының тәрбиеленушілері өз өнерін ортаға салды.
27 желтоқсан күні 5-7 сыныптарда «Кел жаңа, жаңа жыл!» мерекесі өтті. Аталмыш мерекеде сайқымазақтар,Жалмауыз кемпір және Аяз ата мен Ақшақар конақта болды.
28 желтоқсан күні 1-2 және 3-4 сыныптарда мереке «Қош келдің Жана жыл» деп аталды. Бұл мерекеде қызықты ертегі қойылып, қатысқан кейіпкерлер барлық көрермендерді қызықтыра білді.
8-11 сыныптарда «Жаңа жыл-жаңа бақыт жылы болсын» деп аталған музыкалық кеште «Тарақандар» көрінісі, Латын биі, Алдар Көсе мультфильмі қойылды. Сонымен қатар «Екі езу» театры өнер тарландарын паш етті.
Барлық кезеңдерде қызықты бағдарлама көрермендердің көнілінен шықты.
