Ақпан айының 25-күні мектебімізде Елбасымыз Н.Ә.Назарбаевтың «Рухани жаңғыру:Болашаққа бағдар» бағдарламалық мақаласындағы «Туған жер» бағдарламасын жүзеге асыру мақсатында Қажымұрат Нәсиев пен Сайлаубек Есмұқановтың бірлесіп жазған «Құтты мекен - Бексейіт» атты кітабының тұсаукесер рәсімі өтті.
Сөз басын мектеп директоры Еркебұлан Баяхметұлы ашып берді. Мектебіміздің күміс көмей, жез таңдай әншілері әсем ән шырқап, жүректері елім,ауылым деп соғып тұрған оқушылар туған жер, ауылымыз туралы өлең жолдарын тарту етті.
Сайлаубек Көлденұлы - Бексейіт ауылына қажырлы еңбегі сіңген, мектебімізде тарих пәні мұғалімі қызметін атқарған ұлағатты ардагер ұстаз. Ауылымыздың көркеюіне өзінің мол үлесін қосып жүрген жанның бірі.
«Құтты мекен- Бексейіт» атты кітапты жазар алдында ауылымыздың құрметті ардагерлерінен сұхбат алып, мол ақпарат жинады. Өзі қызмет еткен ауылы туралы кітап жазу – үлкен абырой.
Бұл кітаптың жарық көруі ауыл жастарына, болашақ ұрпаққа туған жерін, елін танып білуге жол ашады.
Фотокөрме
