Апталық аясында 3 «А» және 3 «Г» сынып жетекшілері Омаршаева Нағима Таласбековна мен Мамекова Гульмира Сагуовна оқушыларымен «Қазақстан Ғарыш Сапары» ұлттық орталығына жаратылыстану пәнінен «Зымырандар қай жерден ұшады?» тақырыбында сабақ өткізді. Бұл сабақ барысында ғарыш орталығына саяхат жасалып, тарихта есімі алтын әріппен жазылған, «Халық қаһарманы» Айымбетов Айдын Ақанұлымен кездесіп, оқушылар өздерін толғандырған сұрақтарына жауап алып, ғарыш туралы кітаптарына естелік ретінде қолтаңбасын алды. Оқушылар өздерінің шығарған өлең жолдарын арнап, 48 мектеп-лицейдің атынан әрқашан «Асығыңыз алшысынан түссін» деп жазылған тілекпен кәде-сый ұсынылды. Бұл саяхат сабақ оқушылардың естерінде ұзаққа сақталары анық.
