25.02.2019ж. Астана қаласындағы №52 мектеп – гимназияда «Дара тұлға» тақырыбында қазақ футболының жанашыры, спорт журналисі, еліміздің ең үздік комментаторы Ермұхаммед Мәулен мырзамен кездесу кеші өтті.
Кездесу кешін 5-сынып жетекшілері Ғ.Адильбаева, Ұ.Қожантай, С. Бертева, С.Елібаева, М.Болғанбай ұйымдастырды. Оқушылардың өзін-өзі мамандықтар әлемінде таба білуіне, өзінің қоғамға қажетті адам екенін сезінуіне жағдай жасау, мамандықтар туралы түсініктерін кеңейту мақсатында өткізілген кездесу кешінде оқушылар өздерін қызықтырған сұрақтарға жауап алып, ой-пікірлерімен бөлісті, келелі кеңес алды.
Іс-шара барысында оқушыларға футбол мамандығы бойынша видео корсетілді және Ермұхаммед Маулен мырза оқушыларға табысты тұлға болу үшін мамандық таңдауда қателеспеу керектігін түсіндірді. Оқушылар қадірлі қонағымызға құрмет көрсетіп, өз өнерлерін ортаға салды.
Іс-шара барысында Ермұхаммед Мәулен мырзадан қонақ кәде суралды, сонымен қатар танымал журналист өзі жазған «Комментатор күнделігі» кітабын таныстырып, оқушыларға естелікке таратты.
Кездесу соңында оқушылар кеш қонағына естелік сувенир табыстап, фотосуретке түсті
Кәсіптік бағдар беру мақсатындағы мұндай іс-шаралар алдағы уақыттарда да өз жалғасын таба бермек.
