«Нұр Отан» партиясының 20 жылдығына арналған конференцияларда сайланған делегаттар, Парламент депутаттары, мемлекеттік басқару органдарының, ұлттық холдингтер мен компаниялардың басшылары, азаматтық қоғамның, үкіметтік емес ұйымдардың және жастар құрылымдарының, халықаралық ұйымдардың, дипломатиялық корпустың, бастауыш партия ұйымдарының, бұқаралық ақпарат құралдарының өкілдері, ғылым және мәдениет қайраткерлері, партия ардагерлері қатысуымен Нұр отан партиясының ХҮІІІ съезі өтті. Мемлекет басшысы сөйлеген сөзінде Қазақстанның өткен 20 жыл ішінде қол жеткізген жетістіктеріне тоқталып, еліміздегі барлық оң өзгерістерге ықпал еткен «Нұр Отан» партиясының рөлін ерекше атап өтті. Елбасы өз сөзінде халқымыздың тұрмыс сапасын арттыру үшін қаржы бөлінетінін, ол қаражат Ұлттық қордан алынатынын айтты. Әлеуметтік саясатты одан әрі жүзеге асыруға, жұртшылықтың күнделікті мәселелерін шешу ісіне партияның белсенді атсалысуы қажет екенін атап өтті. «Халыққа көмек» жобасын іске асыру да партияға жүктелді.
«Нұр Отан» – толағай табыстың және болашаққа жол ашатын жарқын жетістіктердің партиясы болғандықтан, Қазақстанды дамытудың жаңа кезеңіне жол ашады деп ойлаймын.
