Сарыадыр негізгі мектебінде 7 наурыз күні Халықаралық әйелдер күніне арналған іс - шара ұйымдастырылды. Оқушылар өз өнерлерін ортаға салып, аналарын мейраммен құттықтады. Ауылымыздың қария әжеміз оқушыларға, аналарға, мектеп ұжымына өзінің батасын беріп, тілегін айтты. Шағын орталық бүлдіршіндері шығыс биін билеп, бастауыш сынып оқушылары өздерінің өлең шумақтарын айтып, ән шырқады. Сонымен қатар бастауыш сынып оқушылары өздерінің қолдарымен жасаған сыйлықтарын аналарына сыйлады. Жоғарғы сынып оқушылары сахналық көрініс көрсетіп, ән айтып, флешмоб биледі. Ұйымдастырылған іс - шара ойдағыдай өтті.
