15 наурыз күні білім ордасының қабырғасында аға буын өкілдерінің қатысуымен шара өткізілді. Тәрбиелік мәнде өткен «Қариясы бардың қазынасы бар» атты іс-шарада қазыналы қарттарымыз кіші буын өкілдері – бүлдіршіндермен әртүрлі қызықты ойындар ойнап, қол ұстасып наурыз әндері негізінде көңілді конкурстарға қатысты. Сонымен қатар аға буын өкілдері балалық шақтағы естеліктерімен бөлісті. Осылайша олар балалық кездерін еске түсірді. Бұл кездесуден балалар мол азық алып, соңында естелік суретке түсті. 
