Алғаш рет жаратылыстану-математикалық бағыттағы пәндер бойынша Республикалық Олимпиада онлайн-режимде көрсетіледі

Оқушылардың олимпиадаға қатысуының айқындылығын қамтамасыз ету үшін 21 жыл ішінде алғаш рет Олимпиада онлайн-режимде көрсетіледі (бейнетрансляцияға сілтемелер ҚР БҒМ-нің әлеуметтік желілердегі аккаунттарында ұсынылады). Іс жүзінде кез келген адам Олимпиада кезеңдерінде виртуалды түрде қатысып, оқушылардың жауаптарын тексеру кезінде қазылар алқасы мүшелерінің жұмысының объективтілігіне көз жеткізе алады. Олимпиада Ақтөбе қаласындағы "Назарбаев Зияткерлік мектебінде" өтеді.

Анықтама. Олимпиаданың негізгі мақсаты-дарынды балалардың шығармашылық қабілеттерін дамыту, теориялық білімдерін тереңдету. Олимпиадаға 832 оқушы қатысады, олардың ішінде еліміздің құрама командаларының қатысушылары – 83 бірнеше рет ең беделді халықаралық олимпиадалардың жеңімпаздары мен жүлдегерлері, Қазақстанның барлық өңірлерінен, Астана, Алматы және Шымкент қалаларынан, республикалық білім беру ұйымдарынан, "Назарбаев Зияткерлік мектептері"дербес білім беру ұйымдарынан 19 команда қатысады. Ақтөбе қаласында республикалық олимпиаданы өткізу бағдарламасы ұйымдастыру іс-шараларынан, мәдени-экскурсиялық бағдарламалардан, салтанатты ашылу және жабылу салтанаттарынан тұрады. Олимпиада жеңімпаздары мен жүлдегерлері ҚР БҒМ I, II, III дәрежелі дипломдарымен марапатталады.

Өтетін орны мен уақыты: ашылу салтанаты – 15 наурыз сағат 10.00-де. Ақтөбе қаласы, Әбілхайыр хан көшесі, 90 Б, өнер сарайы,; жабылу салтанаты-20 наурыз сағ., Өнер Сарайы. Журналистерді аккредиттеу үшін: pressa.edu@gmail.com Арман 87027259713, 8 (7172) 29-52-32, 29-50-76.

ҚР БҒМ Баспасөз қызметі