2019 жылдың 19 наурыз күні №69 мектеп – гимназияда «Армысың, Әз – Наурыз!» атты Ұлыстың Ұлы күні – Наурыз мерекесіне орай ұйымдастырылған іс – шара өтті.
Мақсаты:Наурыз мерекесі туралы түсініктерін кеңейту. Қазақтың ұлттық тағамдары, ойындары туралы білімдерін кеңейту. Салт-дәстүрді құрметтеуге тәрбиелеу. Күлімдеген шуақты көктеммен бірге қазақ даласына жер әлемді жайнатып, әнші құстарды сайратып, Наурыз тойын тойлатып, Жаңа Жыл №69 мектеп – гимназияғада жетті.
Бүгінгі мерекелік іс – шараны Үркер тұрғын алабының «Парасат» әжелер клубының белді мүшелері: Ақ жаулықты әжелеріміз аластау рәсімімен ашты. Қазақ халқының салт - дәстүрін насихаттау мақсатында бүлдіршіннің тұсауын кесіп, өскелең ұрпаққа баталарын беріп, өнегелі тәлім – тәрбиелерімен бөлісті.
Наурыз - тойы, мектебіміздің өнерпаздарының би,хор, ән тартуларымен жалғасты.
Мерекелік іс – шарадан соң 5-11сыныптар арасында ұлттық спорттық ойындар өткізілді.
Арқан тартыс, жүзік ату, асық ойынына қызығушылық танытып, оқушылар қызығушылықпен, ерекше таныммен белсене ат салысты.
