2019 жылғы 25 қыркүйек күні Нұр-Сұлтан қаласы, Көктал 2 кенті, құсмұрын 2 көшесінде орналасқан № 68 мектеп-гимназиясында ҚР Президенті Қ. Тоқаевтың 2019 жылғы 2 қыркүйектегі «Сындарлы қоғамдық диалог – Қазақстанның тұрақтылығы мен өркендеуінің негізі» атты жолдауын түсіндіру жұмыстары өткізілді. Оның аясында, тарих пәнінің мұғалімі А. Ташмаганбетов 9-сынып оқушылары арасында «Күшті Президент, ықпалды Парламент, есепті Үкімет» тақырыбында пікірталас ұйымдастырды. Пікірталастың мақсаты, саяси жүйенің модернизациялануын, халық пен биліктің ынтымағын күшейтудің жаңа жолдарын оқушыларға түсіндіре отырып, жас ұрпақтың саяси мәдениеті мен санасын жетілдіру, саяси жүйеге деген сенімін арттыру арқылы жаңа тәрбиелі орта қалыптастыру. Пікір-талас сабағы барысында оқушылар «Президент заман талабына сай тиімді мемлекет құрудың бес міндетін атап көрсеткенін, Жолдауда қоғамды мазалайтын негізгі мәселелер көшеде емес, азаматтық диалог шеңберінде Парламентте талқыланып, өз шешімін табу керектігіне ерекше тоқталғанын» айтып өтті. Пікірталас соңында әрбір оқушы осы тақырыпқа қатысты өз ойларын айтып жеткізіп, сабақтың мақсатына жетуіне өз үлестерін қосты.