2019 жылғы 9-13 қыркүйек күндері аралығында Нұр-Сұлтан қаласы, Көктал 2 кенті, Құсмұрын 2 көшесінде орналасқан № 68 мектеп-гимназиясында отбасы күнін мерекелеу аясында бірқатар іс-шаралар өткізілді. Ағымдағы жылдың 9 қыркүйегінде мектеп-гимназияның 1-11 сыныптарында «Отбасы – өмір айнасы» атты сынып сағаттары өткізілді. 5-6 сынып жетекшілері С. Амангелдиева мен А. Жоламанованың ұйымдастыруымен өткен «Мен отбасымды мақтан тұтамын» тақырыбында сурет байқауы мен бейнероликтер көрсетілімі мектеп көркін арттыра түсті. 11 қыркүйекте мектеп-гимназияның аға тәлімгері Т. Тлеубекова мен 6 сынып жетекшісі Л. Кабимолдинаның ұйымдастыруымен «Ұрпақ тәрбиесі – ұлт болашағы» атты дөңгелек үстел отырысы өтті. Оған 5-7 сыныптардың жас ата-аналары қатысты. Денешынықтыру пәні бірлестігі мен 3 сынып жетекшілері ұйымдастырған «Мен және менің отбасым» спорттық отбасылық эстафетасы бала, ата-ана мен мектептің өзара қарым-қатынасын нығайта түсті. Қарты бар үй – қазына дегендей, мектебіміздің ұстазы Р. Есенбаеваның бастамасымен 5-10 сынып оқушыларының әжелерімен «Отбасының берекесі – имандылықтан басталады» тақырыбында тағылымға толы үлкен кездесу өтті. 12 қыркүйек күні оқушылардың ізденімпаздығын дамытуға мақсатында 3-сыныптары арасында «Мақал-мәтелдер сайысы» ұйымдастырылды. Сонымен қатар, 9-13
қыркүйек күндері аралығында мектеп-гимназияның әлеуметтік педагогі Л. Шмралина мен 1-11 сынып жетекшілерінің ұйымдастыруымен жетім және ата-анасының қамқорлығынсыз қалған, даму мүмкіндігі шектеулі балаларға арналған «Ата-ананың парызын, өтеу сенің қарызың» атты қайырымдылық акциясы жүрді. Акция аясында мектеп-гимназияның 11 «А» сынып оқушылары мен 2 «Ә» аз қамтылған отбасына азық-түлікпен, оқуға қажетті құрал-жабдықтары мен киім-кешектерін табыстады