РУХАНИ КЕМЕЛДІК ПЕН МӘДЕНИ ӨСУГЕ ЫҚПАЛ ЕТЕТІН БІРДЕН-БІР ОРЫН – ТЕАТР. МӘДЕНИ ОШАҚ МЕКТЕП ОҚУШЫЛАРЫНЫҢ ҚЫЗЫҒУШЫЛЫҒЫН АРТТЫРУДА.
2019-2020 оқу жылының алғашқы тоқсанын аяқтаған мектеп оқушылары күзгі демалыстарын да тиімді өткізе білді. Оған себеп, тәрбие жұмысының 7-бағыты, яғни, зияткерлік, ақпараттық мәдениет тәрбиесін дамыту мақсатындағы жұмыстың жүйелі ұйымдастырылуы. Оның ішінде, мәдениет ошақтарына саяхат мектеп оқушыларының қызығушылығын арттыруда. Мәселен, І-тоқсанның соңғы оқу аптасында Нұр-Сұлтан қаласының әкімдігі «Жастар» театрының ХІІІ маусымы ашылуының куәгері болған оқушылар ерекше әсермен қайтты. Театрға баруға кедергі келтіретін факторлар көп дегенімізбен, оқушылар тарапынан күзгі каникулда да қойылымдарды тамашалау туралы ұсыныстар арта түсті. Осыған орай, 2019 жылғы 27 қазан күні «Көзіме бір көрінші бала ғашық» атты сахналық қойылымды 9-11 сынып оқушылары тамашалап қайтқан болатын. Б. Соқпақбаевтың «Менің атым Қожа» шығармасына негізделген сахналық повесть мектеп оқушыларының жалынын арттырғаны анық. Рухани мәдениетті дамыту бағытындағы аталмыш жұмыстар жалғасын табатын болады.