НҰР-СҰЛТАН МЕКТЕПТЕРІ АРАСЫНДА ӨТКЕН ҚАЛАЛЫҚ «СӨЗ ШЕБЕРІ» БАЙҚАУЫНЫҢ АҚТЫҚ МӘРЕСІНДЕ МЕКТЕП ТҮЛЕГІ ЖҮЛДЕГЕР АТАНДЫ.
2019 жылғы 11 қараша күні М. Өтемісұлы атындағы оқушылар сарайында өткен қалалық «Сөз шебері» жүргізушілер сайысы өз мәресіне жетті. Сайысқа Нұр-Сұлтан мектептері ішінен 85 үміткер қатысқан болатын. 2 іріктеу кезеңінен өткен 14 оқушы ақтық мәреге жолдама алды. Оның ішінде 4 оқушы 9-12 жас аралығында, 10 оқушы 13-16 жас аралығында өзара сынға түсті. Сайыскерлердің өнеріне баға беретін әділ қазылар құрамы да аталмыш шараның мазмұнына сай жасақталған. Мәселен, қазақ радиосы, теле арна жүргізушілері мен журналистері әділ қазы ретінде қатысты. Аталмыш сайысқа Нұр-Сұлтан қаласы, Көктал 2 кенті, Құсмұрын 2 көшесінде орналасқан № 68 мектеп-гимназиясы атынан 11 «Ә» сынып оқушысы Ш. Ұзақбаева қатысқан болатын. Қалалық деңгейде өткен сайыстың ақтық мәресіне сүрінбей өткен түлегіміз, сайыс нәтижесі бойынша ІІІ-орынды қанағат тұтты. Айта кетейік, Шапағат мектептің қоғамдық өміріне белсене араласып келеді. Қалалық, республикалық деңгейлерде өткен байқаулардың жеңімпазы. 2018-2019 оқу жылында «Жас Ұлан» ұйымына жетекшілік етіп, ұйым жұмысын ұтымды ұйымдастыра білді. Мектеп абыройын асқатата білген түлегімізге алар асуларыңыз көп болсын дейміз