Новоишим қазақ орта мектебінде Халықаралық «Мен ОФФЛАЙН» акциясын қолдау барысында іс-шаралар ұйымдастырылып, өткізілді. 1-11 сыныптар арасында «Телефонсыз бір күн» акциясы өткізілді. Акция барысында оқушылардан 1 сабаққа кірерде ұялы телефондары жиналып алынып, соңғы сабақта таратылып берілді. 1-4 сыныптар арасында тақырыпқа сай сурет көрмесі ұйымдастырылды. 5-11 сыныптар арасында эссе байқауы болды. Эссенің нәтижелеріне қарағанда осындай акцияларды ұйымдастырған оқушыларға ұнады, қоңырау арасында телефонға қарап тұрмай, бір-бірімен қарым-қатынас жасап, ойнауға көп уақыт табылды. Бірақ ыңғайсыз жақтары да кездесті, қажетті материал іздеу, аударма жасау кезінде ұялы телефонның қол астында болмағаны қолайсыздық тудыратынын жазды. Ғаламторға тәуелді заманда осындай акциялар ұйымдастырып тұру бала мен үлкеннің де денсаулығына пайдалы.
