Бүгін 2021 жылдың 5 қаңтарында Президент Қасым-Жомарт Тоқаевтың «Тәуелсіздік бәрінен қымбат» атты мақаласы жарияланды.

Бұл мақалада азаттығымыздың айшықты белесіне шыққанда əрбір саналы азаматты «Отыз жылда біз қандай жетістіктерге жеттік?», «Келер ұрпаққа қандай елді аманаттаймыз?», «Мемлекеттігімізді нығайта түсу үшін тағы не істейміз?» деген сауалдар толғандырды. Осы тұрғыдан алғанда, бұл – арман-мақсаттарымызды тоғыстырып, болашаққа тың серпінмен қадам басу үшін өткенге тағы бір мəрте оралатын, жетістіктеріміз бен кемшіліктерімізді қарастыруымыз қажет.

«Тəуелсіздіктің отыз жылын шартты түрде үш онжылдық белеске бөліп қарастыруға болады. Оның əрқайсысы атқарған миссиясы тұрғысынан ғасырдың жүгін арқалап тұр.»- деп Президент атап кетті.

-Бірінші онжылдық жаңа Қазақстанның іргетасын қалау кезеңі. Осы уақытта Елбасыныңбасшылығымен мемлекетіміздің нышандары белгіленіп, билік жүйесі қалыптасты. Ұлттық валютамыз айналымға енді. Қарулы Күштеріміз құрылды. Ата заңымыз қабылданды. Шетелдермен дипло матиялық қатынас орнатылды. «Қазақстан – 2030» стратегиясын қабылдадық. Шығыстағы көршімізбен шекарамызды бекіттік. Басқа да іргелес мемлекеттермен шекара жөніндегі келіссөздер қарқынды жүргізіле бастады. Ел аумағын ядролық қарудан толық тазарттық.

-Екінші онжылдықта - Қазақ елінің керегесін кеңейту кезеңі. Осы жыл дарда мемлекетіміздің тұғыры нығайып, экономикалық əлеуетіміз арта түсті. Құрлықтағы барлық шекарамызды айқындап, заң жүзінде бекіттік. «Мəдени мұра» бағдарламасын жүзеге асырып, тари хымызды түгендедік. Солтүстік Аралды құтқарып, қашқан теңізді қайтардық. Əлемдік жəне дəстүрлі діндер көш басшыларының съездерін, Еуропадағы қауіп сіздік жəне ынтымақтастық ұйымының, Азиядағы өзара іс-қимыл жəне сенім шаралары кеңесінің саммиттерін өткізуге жəне басқа да бірқатар маңызды халықаралық жобаларға бастамашы болдық. «Батыс Еуропа – Батыс Қытай» халықаралық дəлізі сияқты ірі инфрақұрылымдық жобалар қолға алынды. Тұрғын-үй құрылысы да бұрынсоңды болмаған қарқынмен дамыды.

-Үшінші онжылдықта шаңырағымыз биіктеп, өсіп-өркендеп, мерейлі мемлекетке айналдық. Шекара мəселесін біржола шештік. «Қазақстан – 2050» стратегиясын қабылдап, озық дамыған отыз елдің қатарына қосылуды межеледік. Əр бағыт бойынша «Үдемелі индустриялықинновациялық даму», «Нұрлы жол», «100 нақты қадам» сияқты ауқымды бағдарламалар жүзеге асырылды. Саяси жəне экономикалық реформалармен қатар Рухани жаңғыруға баса мəн бердік.

-Төртінші онжылдыққатағы мақсатымыз - Әлемдегі басқа ұлттармен бәсекеге түсетін Ұлт болу.Сондықтан ол үшін – саяси-экономикалық реформаларды одан әрі жалғастыру керек.

Адам баласы дүниеге патриот болып келмейді. Ол білім мен тəрбие алып, əлеуметтік ортамен араласып, азаматтық болмысын қалыптастыру кезінде патриотқа айналады. Өзінің жеке мақсат-мүдделері қоғам игілігімен үндесіп, елінің дамуына елеулі үлес қосып жатқанын жан-жүрегімен сезінген адам нағыз бақытқа кенеледі.

Халқымыздың біртуар перзенті Əлихан Бөкейханов «Ұлтқа қызмет ету білімнен емес, мінезден» деген. «Біз шынайы патриоттық сезіммен рухтанып, қасиетті Тəуелсіздігімізді одан əрі нығайта түсу үшін бірлесе жұмыс істеуіміз керек. Барша отандастарыма, əсіресе жастарға айтарым: кең-байтақ Қазақстанды асқақ армандарың мен батыл жос парларыңды емін-еркін жүзеге асыра алатын, табысыңа марқайып, əрдайым тілеуіңді тілейтін қасиетті Отаның ретінде бағалаңдар!» – деп Президент атап кетті.

Менің ойымша Президент бұл мақалада Қазақстан халқын туған жерге,өз Отанымызға деген патриоттық сезімімізді, одан да жоғары болу керектігін атап өтті.

Ата бабаларымыздан қалған Ұлан байтақ жеріміздің біртұтастығынкелешек ұрпақ сақтауға тиіс. Тəуелсіз ел болу оны жариялаумен немесе мемлекеттің іргетасын қалаумен шектелмейді. Тəуелсіздік үшін нағыз күрес күнделікті еңбекпен, үздіксіз əрі дəйекті елдік саясатпен мəңгі жалғасады. Біз қуатты тəуелсіз мемлекетімізбен ғана ұлт ретінде жер бетінде сақталамыз. Осы айнымас ақиқатты берік ұстануымыз қажет.

Ұлт мүддесі мен мемлекет мұратын, Тәуелсіздік туын әрдайым биік ұстайық!

Қазақстан елі жасай берсін!