Еліміздің болашағын баянды қылып сақтаудың кілті- рухани жаңғыруда. Бұл идеяны елдің ертеңі, қоғамның қозғаушы күші саналатын зиялы қауым да, жастар да қызу қуаттайды. Оқырмандардың өз бетінше оқуын дамыту, көркем әдебиетті насихаттау мақсатында, «Новоишим қазақ орта мектебі» КММ-нің кітапханасында «Оқырман мектеп» жобасы аясында «Мектепке кітап сыйла» акциясы ұйымдастырылған. "Мектепке кітап сыйла" акция аясында ата-аналар, ұстаздар, мектеп оқушылары бірнеше кітаптарды сыйға тартты. «Артық білім кітапта» демекші, болашақ ұрпағымыз білімді, рухани бай болуы үшін, оқушылардың кітап оқу мәдениетін қалыптастырып, кітап оқуға шақыру мақсатымен өткен акцияға атсалысқан ұстаздарға, ата-аналарға және мектеп оқушыларына зор алғыс білдіреміз!!!
