Маусымның 2-сі күні мектебіміздің 9-сынып оқушылары үшін ең алғашқы мемлекеттік емтихан тапсыру сағаты болды. Қазақ тілі мен әдебиеті пәнінен алған білімдерін түйіндеу мақсатында 25 оқушы эссе жазды. Пән мұғалімі Ақнұр Елубайқызы Ашербекова өткізген емтиханның мемлекеттік комиссия төрайымы, мектеп директоры Меңдігүл Олжабайқызы оқушыларға емтихан тақырыбын таныстырып, сәттілік тіледі. Емтихан ассистенттері, Сая Әлкенқызы мен Динара Қуанышқызы,Руслан Сұлтанұлы емтиханның тәртібін қадағалап, оқушылардың білімін бағалады. Алғашқы сыннан сүрінбей өткен жеткіншектерімізге әрдайым сәттілік тілейміз.