1 қазан – Халықаралық қарттар күні. Біздің елімізде де жыл сайын бұл күн қарттарымыздың өмір бойы жасаған еңбектеріне әрі мемлекетіміздің қалыптасуына қосқан зор үлестеріне сай құрмет көрсетіледі. Дәстүрлі жиындардан бөлек еліміздегі зейнеткер ұстаздарымызда елеусіз қалған жоқ. Мұнайлы аудандық кәсіподақ ұйымы Текеева Рита Нұржанқызының ұйымдастыруымен №8 жалпы білім беретін мектеп кәсіподақ ұйымымен бірлесе, қарттар күніне орай Мұнайлы ауданы №8 жалпы білім беретін мектептің зейнеткер ұстазы Оразова Балсұлу Сакибайқызын атаулы мерекемен құттықтады. Қашанда үлкенді сыйлау, қарияны құрметтеу дәстүрі қазақ халқының ата салты екені белгілі. Елімізде қарт адамдарға деген ықылас жыл сайын артып, мемлекет тарапынан оларға көрсетілетін көмектің көлемі де ұлғайып келеді.
