2023 жылғы 11 қазанда М. Қозыбаев атындағы Солтүстік Қазақстан университеті мен «Қызылжар дарыны» атты «Дарынды балалар мен дарынды жастарды анықтау және қолдау орталығы» ұйымдастыруымен 9-11 сынып оқушыларына арналған жаратылыстану-математикалық бағыттағы пәндері бойынша «Жоғары лига» облыстық олимпиадасына облыстың 24 инновациялық мектебі қатысты. Олимпиада прокторингті қолдана отырып, онлайн форматта өтті. Бұл олимпиаданың мақсаты жаратылыстану-математикалық цикл ғылымдарының негіздерін зерттеуге қызығушылық пен бейімділік танытатын дарынды оқушыларды анықтау болып табылады. №2 Саумалкөл мектеп-гимназиядан Төлепберген Назерке (мұғалімі Аскар А.О.), 10-сынып оқушысы, химия пәнінен және Еркемұрза Дильназ (мұғалімі Батжанова С.Т.), 9-сынып оқушысы, биология пәнінен 3 орындарды иеленді.

Назерке мен Дильназды жүлделі орындарымен құттықтаймыз, шығармашылық ізденістері мен ғылыми жаңалықтары арта беруіне тілектеспіз!