2025 жылғы 8 қаңтарда «Жасанды интеллект құралдарын қолдану арқылы интерактивті оқытудың міндеттері мен қадамдары» тақырыбында 500 - ге жуық қатысушыларға ZOOM платформасында облыстық семинар өткізілді. Іс-шараға сарапшылар мен білім беру мекемелерінің өкілдері қатысып, өз тәжірибелерімен бөлісті. Спикерлер оқу процесінде оң нәтижелер берген инновациялық шешімдер мен әдістерді ұсынды. Педагогтар AI-ді оқу процесіне тиімді интеграциялау жолдарын үйреніп, интерактивті тапсырмаларды әзірлеудің практикалық дағдыларын меңгерді. Сондай-ақ, оқу үдерісіндегі AI-дің тиімділігін бағалаудың әдістерін игеріп, білім беру жүйелерінде жасанды интеллектіні қолданудың сәтті мысалдары туралы көп ақпарат алды. Барлық қатысушыларға белсенді қатысқандары мен қызықты идеялары үшін алғыс айтамыз!
