19 наурыз күні Пески мектебінде маңызды оқиға орын алды – ұлттық ойындар кабинетінің ашылуы! Бұл қуанышты сәт мектептің демеушілері Тафурова Е., Мирная Ю., Мириуки К. және Хамхоев Р.-дің қолдауының арқасында мүмкін болды. Мектеп өз алғысын шын жүректен білдіреді. Ашу рәсімі мерекелік атмосферада өтті. Іс-шараның алғашқы бөлігінде мектеп оқушылары көрермендерді тамаша концертпен қуантты, онда би, вокал және домбырамен күй орындау ұсынылды.
Мерекенің шарықтау шегі – мектеп директоры Ашимова Н.Т. мен ӘК меңгерушісі Қусаинова Г.М.-ның салтанатты түрде лента қиюы болды. Бұл символдық әрекет жаңа кабинеттің жұмысын бастап, оқушыларды қазақ халқының бай мәдени мұрасымен таныстыруға арналған маңызды қадам ретінде есте қалды. Іс-шараның екінші бөлімінде оқушылар ұлттық ойындардың алуан түрлілігін көрсетті. Қонақтар ұлттық домино, асық ату, бестемше және басқа да қызықты ойындарды тамашалады. Жаңа кабинет ұлттық ойындарды үйренуге және турнирлер өткізуге қажетті барлық құралдармен жабдықталған.
Ұлттық ойындар кабинетінің ашылуы – мектептің дамуына жасалған маңызды қадам. Бұл оқушыларға уақытты қызықты әрі пайдалы өткізіп қана қоймай, логикалық ойлау қабілетін, ептілікті, стратегиялық ойлауды дамытуға және командалық рухты нығайтуға мүмкіндік береді. Ұлттық мәдениеттің бастауларымен қауышу – болашақ ұрпақ үшін баға жетпес мұра!
