🌟 МАЗМҰНДЫ КЕЗДЕСУ: "МЕНІҢ АРМАНЫМДАҒЫ МАМАНДЫҚ" 🌟 Мектебіміздің 1-сынып оқушылары мен №8 "Genius" мектепалды тобының бүлдіршіндері арасындағы сабақтастықты нығайту мақсатында "Менің арманымдағы мамандық" атты танымдық кездесу өтті. 📍 Мақсаты: Балаларға әр мамандықтың қоғамдағы маңызын түсіндіру, еңбек адамына деген құрметті қалыптастыру және болашақ мамандықты саналы таңдауға бағыт беру. Бұл ерекше шараға өз саласының нағыз шеберлері арнайы шақырылды: 👨🚒 Өрт сөндіруші – батылдық пен қауіпсіздік жайлы; 👮 Полиция қызметкері – тәртіп пен жауапкершілік туралы; 👩⚕️ Дәрігер – денсаулық пен қамқорлық жайлы; 👩🏫 Мұғалім – білім мен даналық туралы сыр шертті. ✨ Кездесу барысында: Мамандық иелері өз жұмыстарының қыр-сырын айтып, балалардың көкейінде жүрген сауалдарына жауап берді. 1-сынып оқушылары мен "Genius" тобының тәрбиеленушілері қонақтармен емін-еркін сұхбаттасып, үлкен әсер алды. Мұндай іс-шаралар балалардың дүниетанымын кеңейтіп, олардың армандарына қанат бітіреді.
