«Заң және тәртіп» тұжырымдамасы аясында «Новоишим қазақ жалпы білім беретін мектебінің» 9–11 сынып оқушыларына арналған «Қауіпсіз маршрут» іс-шарасы өтті. Шараны құзыретті органдар ұйымдастырды.
Іс-шараның мақсаты — жол қозғалысына қатысушылардың қауіпсіз мінез-құлық мәдениетін қалыптастыру және кәмелетке толмағандардың қатысуымен болатын жол-көлік оқиғаларының алдын алу болды.
Іс-шара барысында автомобильдер, манекендер және полиция қызметкерлерінің қатысуымен жол-көлік оқиғаларының шынайы көріністері көрсетілді.
Акцияға прокуратура өкілдері, полиция қызметкерлері, жергілікті атқарушы органдар мен еріктілер қатысты. Сонымен қатар оқушылар мен жаяу жүргіншілерге жолдағы қауіпсіздік шараларын сақтау жолдары жан-жақты түсіндірілді.
