«Балалар әдебиеті – рухани тәрбие бастауы» онкүндігі аясында 6–7 сыныптар арасында «Білімнің көзі – кітап» атты танымдық іс-шара өтті. Ұлы ақын Абай Құнанбайұлы: «Артық ғылым – кітапта», – деп бекер айтпаған. Расында да, кітап – адам баласының рухани байлығы мен білімінің сарқылмас қазынасы. Кітап оқыған адамның ойы терең, сөзі көркем, дүниетанымы кең болады. Кітап бізді жақсылыққа тәрбиелейді, қиялымызды қанаттандырады, арманымызға жол ашады. Әрбір оқылған кітап – жаңа бір әлем, жаңа бір сыр, жаңа бір тағылым. Кітап арқылы біз өткенді танимыз, бүгінді түсінеміз, болашаққа нық қадам жасаймыз. Сондықтан кітапты қадірлеп, таза ұстап, оны өзіміздің ең жақын досымыздай бағалай білуіміз керек. Өйткені кітап – біздің сенімді серігіміз, ақылшымыз әрі білімнің мәңгілік шамшырағы. ВИДЕО КӨРУ
