«Сапаны сақтау» жобасы аясында негізгі орта мектебінің математика пәні мұғалімі Идирисова А.Р. 4-сынып математика сабақтарына қатысып, бастауыш буындағы білім сапасын сақтау және оқу жетістіктерінің сабақтастығын бақылау жұмыстарын жүргізді.

Сабақтарға қатысу барысында оқушылардың математикалық сауаттылық деңгейі, есеп шығару дағдылары, логикалық ойлауы және пәнге деген қызығушылығы назарға алынды. Сабақтарда түрлі оқыту әдіс-тәсілдері тиімді қолданылып, оқушылардың белсенділігін арттыруға бағытталған тапсырмалар берілді. Мұғалімдер оқушылардың жас ерекшеліктерін ескере отырып, сараланған тапсырмалар мен практикалық жұмыстарды ұтымды ұйымдастырды.

Бақылау нәтижесінде оқушылардың негізгі математикалық ұғымдарды меңгеруі, ауызша есептеу дағдылары мен функционалдық сауаттылықты дамыту бағытындағы жұмыстардың жүйелі жүргізілетіні анықталды. Сонымен қатар кейбір оқушылармен жеке қолдау жұмыстарын күшейту қажеттілігі атап өтілді.

Сабақтарды талдау қорытындысы бойынша әдістемелік ұсыныстар беріліп, білім сапасын арттыру, оқытудағы сабақтастықты сақтау және оқушылардың математикалық құзыреттілігін дамыту бағытындағы жұмыстарды жалғастыру қажеттігі көрсетілді.

Осындай тәжірибе алмасу мен өзара сабаққа қатысу білім беру сапасын жақсартуға, педагогтердің кәсіби ынтымақтастығын нығайтуға және оқушылардың сапалы білім алуына оң ықпал етеді.

Чтобы оставлять комментарии авторизуйтесь