“№2 Новоишим орта мектебі “КММ-де мектепішілік бақылау жоспарына сәйкес 1 және 5-сынып оқушыларының оқу үдерісіне бейімделуін бақылау мақсатында сабақтарға қатысу жүргізілді.

Сабақтарға қатысу барысында оқушылардың жаңа оқу жағдайына бейімделуі, сабаққа белсенділігі, оқу тапсырмаларын орындауы, мұғалім мен оқушы арасындағы қарым-қатынас, сондай-ақ білім алушыларға қолайлы психологиялық ахуал қалыптастыру мәселелеріне назар аударылды.

1-сыныптарда оқушылардың мектеп өміріне, оқу тәртібіне және сабақ үдерісіне бейімделуі бақыланды.

5-сыныптарда бастауыш білім беру деңгейінен негізгі орта білім беру деңгейіне өту кезеңіндегі оқушылардың пәндік оқыту жүйесіне және жаңа талаптарға бейімделу ерекшеліктері зерделенді.

Сабақтарға қатысу қорытындысы бойынша педагогтерге тиісті әдістемелік ұсыныстар берілді.