Отбасы күніне арналған іс-шаралар аясында бастауыш сынып оқушылары мен олардың ата-аналарының қатысуымен «Әке, ана және мен – спорттық отбасы!» атты спорттық эстафета өтті. Іс-шараның мақсаты – отбасылық қарым-қатынастарды нығайту, салауатты өмір салтын насихаттау, дене белсенділігін дамыту және командалық рухты қалыптастыру.
Қатысушылар әртүрлі эстафеталарда ептіліктерін, шапшаңдықтарын, төзімділіктерін және ұйымшылдықтарын көрсете отырып, жарысты.
Спорттық эстафета балалар мен ата-аналардың бірге уақыт өткізуіне, спорттық қабілеттерін көрсетуіне және отбасылық қарым-қатынастарын нығайтуына тамаша мүмкіндік болды.
Іс-шара қорытындысы бойынша қатысушылар белсенді қатысқаны үшін мақтау қағаздарымен марапатталды.
