«Бірлік орта мектебі» КММ-де кәсіптік бағдар беру жұмысы аясында 9–10-сынып оқушылары арасында «Жаңа мамандықтар атласы» тақырыбында ақпараттық-танымдық әңгіме өткізілді.
Іс-шараның мақсаты – оқушылардың заманауи және болашағы зор мамандықтар туралы түсініктерін кеңейту, кәсіби өзін-өзі анықтауға деген қызығушылығын арттыру және болашақ мамандықты саналы түрде таңдауға бағыт беру.
Әңгіме барысында оқушылар Жаңа мамандықтар атласымен танысып, болашақта сұранысқа ие болатын мамандықтар туралы мәлімет алды. Сонымен қатар цифрлық технологиялар мен жасанды интеллекттің еңбек нарығына әсері, қазіргі заманғы маманға қажетті дағдылар мен құзыреттер туралы ақпарат берілді.
Кәсіби қызметтің болашағы зор бағыттарына, жұмысқа орналасудың жаңа мүмкіндіктеріне және үздіксіз білім алудың маңыздылығына ерекше назар аударылды.
