2026 жылғы 21 қазанда тамақтану сапасы мен мониторингі жөніндегі комиссия «№2 Новоишим орта мектебі» КММ-нің асханасына тексеру жүргізді.
Тексеру барысында білім алушыларды ыстық тамақпен қамтамасыз етуді ұйымдастыруға, санитариялық-гигиеналық талаптардың сақталуына, күнделікті мәзірдің бекітілген перспективалық мәзірге сәйкестігіне, сондай-ақ дайын тағамдардың сапасына ерекше назар аударылды.
Тексеру нәтижесінде күнделікті мәзірдің бекітілген перспективалық мәзірге сәйкес келетіні анықталды. Дайын тағамдардың сапасы тексеріліп, сынама алынды. Тағамдардың сапасы мен дәмдік көрсеткіштері бойынша ескертулер болған жоқ.
Сонымен қатар асханада буфет өнімдеріне арналған мәзір бар. Асхана қызметкерлері арнайы киіммен жұмыс істейді және жеке бас гигиенасы талаптарын сақтайды. Асхананың санитариялық жағдайы тексеріліп, санитариялық-гигиеналық талаптардың сақталуы қаралды.
