Қазақстан Республикасының басты ұлттық мерекесі — Республика күні қарсаңында «№2 Новоишим орта мектебі» КММ-нің акт залында «Кітаппен бірге Отанды танимыз!» атты тақырыптық кітап сөресі ұйымдастырылды.
Көрменің мақсаты — оқу арқылы балалардың бойында туған жерге деген сүйіспеншілікті, оның тарихына, дәстүрлері мен бай мәдени мұрасына деген құрметті қалыптастыру. Кітап сөресіне Қазақстанның ұшы-қиырсыз кең-байтақ жерлері, оның батырлары мен көрнекті тұлғалары туралы кітаптар, әңгімелер және безендірілген иллюстрациялық альбомдар қойылған.
