ЖӘРМЕҢКЕ – НЕСІБЕ НЕГІЗІ: МЕКТЕБІМІЗДЕ ҚАЙЫРЫМДЫЛЫҚ ШАРАСЫ ӨТТІ<br /><br />23.01.2026 жылы мектебімізде 6 «А» және 6 «Ә» сынып оқушыларының қатысуымен, әлеуметтік педагог А.Наурызованың ұйымдастыруымен «Жәрмеңке – несібе негізі» атты қайырымдылық жәрмеңкесі ұйымдастырылды.
«МЕНІҢ АРМАНЫМ – МЕНІҢ ЖАРҚЫН БОЛАШАҒЫМ» 14.01.2026 жылы мектебімізде 9-10 сынып оқушыларының қатысуымен «Менің арманым – менің жарқын болашағым» тақырыбында танымдық шара өтті. Кездесуді мектебіміздің кәсіптік бағдар жетекшісі Бекдаулетова Жанаргүл Жалғасқызы жүргізді. Іс-шараның мақсаты — оқушыларға өз болашағын айқын елестетуге көмектесу, өмірлік мақсаттарын анықтау және сол мақсаттарға жетуге ынталандыру.
🌟 МАЗМҰНДЫ КЕЗДЕСУ: "МЕНІҢ АРМАНЫМДАҒЫ МАМАНДЫҚ" 🌟 Мектебіміздің 1-сынып оқушылары мен №8 "Genius" мектепалды тобының бүлдіршіндері арасындағы сабақтастықты нығайту мақсатында "Менің арманымдағы мамандық" атты танымдық кездесу өтті. 📍 Мақсаты: Балаларға әр мамандықтың қоғамдағы маңызын түсіндіру, еңбек адамына деген құрметті қалыптастыру және болашақ мамандықты саналы таңдауға бағыт беру. Бұл ерекше шараға өз саласының нағыз шеберлері арнайы шақырылды:
«ЛОГИКА ӘЛЕМІ» САЙЫСЫНЫҢ ЖЕҢІМПАЗДАРЫ АНЫҚТАЛДЫ Мектебімізде «Жыл үздігі» жобасы аясында оқушылардың танымдық қабілеттерін дамыту және дарынды балаларға қолдау көрсету мақсатында 22 қаңтар күні 7-сыныптар арасында «Логика әлемі» зияткерлік сайысы өтті. Аталған шараны география пәнінің мұғалімі Чабаева Әсем мен математика пәнінің мұғалімі Абиев Бердібек ұйымдастырды. Сайысқа 7 «А», «Ә», «Б» сыныптарынан 12 оқушы қатысып, 3 топқа бөлініп бақ сынасты.
“Зейін зерек" — білімділер додасы! 22 қаңтар күні мектебімізде «Ұшқыр ой» алаңы жобасы аясында 7-сынып оқушылары арасында «Зейін зерек» атты интеллектуалды сайыс өтті. 🎯 Сайыстың мақсаты: Оқушылардың логикалық ойлауын ұштап, пәндік білімі мен тілдік дағдыларын дамыту. Тартысты өткен білім додасы 3 кезеңнен тұрды: «Бәйге» — жылдамдық пен білім сынағы. «Полиглот» — үш тілді меңгеру шеберлігі. «Кім жылдам?» — логика мен жинақылықты талап ететін мазайка құрастыру. 🏆 Жеңімпаздарды құттықтаймыз: 🥇 I орын – 7 «А» сыныбы 🥈 II орын – 7 «Ә» сыныбы 🥉 III орын – 7 «Б» сыныбы Барлық қатысушыларға белсенділік танытқаны үшін алғыс айтамыз! Болашақта биік белестерді бағындыра беріңіздер! 🚀
«Логикалық турнир» сайысы Оқушылардың танымдық қабілеттерін дамыту, дарынды балаларға қолдау көрсету мақсатында «Жыл үздігі» жобасы аясында 4-сыныптар арасында «Логикалық турнир» сайысын бастауыш сынып мұғалімдері Маширова Фариза мен Маширова Зоя ұйымдастырды. Сайысқа 4 «А», 4 «Ә» сыныптарының әрқайсысынан 3 топтан, барлығы 24 оқушы қатысты. Сайыс 3 турдан тұрды. Әрбір тур логикалық есеп тапсырмаларына құрылғаны сайыстың өзіндік ерекшелігі болды.
Мектеп асханасындағы бракераждық бақылау Мектеп асханасында айына 1 рет бракераждық комиссия мүшелері тарапынан жоспарлы бракераждық бақылау жүргізілді. Бақылау барысында тамақ өнімдерінің сапасына, тағамдарды дайындау технологиясының сақталуына, өнімдер мен дайын тағамдардың сақтау мерзіміне ерекше назар аударылды. Нәтижесінде мектеп асханасында жұмыстар барлық талаптарға сай ұйымдастырылғаны анықталды.
Білім мен ізденісті серік еткен еңбектің жемісі мол. №1 жалпы білім беретін мектеп командасы «Smart teacher – smart lesson» облыстық хакатон байқауының аудандық кезеңінде ІІ дәрежелі жүлдегер атанды. Бұл жетістік – ұстаздық жолдағы табандылықтың, кәсіби шеберліктің және жаңашыл ойлаудың айқын дәлелі. Алдағы уақытта да шығармашылық табыс, жаңа идеялар мен биік белестер тілейміз! 👏🏻👏🏻👏🏻
🇰🇿 БАТЫР РУХЫНА ТАҒЗЫМ: МЕКТЕБІМІЗДЕ ДЕБАТ ӨТТІ! Батырдың туғанына 115 жыл! Осы айтулы датаға орай мектебімізде 21 қаңтар күні «Темірдей тәртіп маңызды» тақырыбында дебат болып өтті. 📍 іс- шара барысында: 📚 Кітапханашы Г. Урунбасарова Бауыржан атамыздың ерлігі мен өмір жолы туралы құнды деректермен бөлісті. Қазақ тілі мен әдебиеті пәнінің мұғалімі: Б. Кубашев батырдың «Ұшқан ұя» кітабындағы тәртіп туралы өсиеттерін жастардың санасына сіңірді. «Ұшқыр ой алаңы» форматында өткен пікірсайыста оқушылар нағыз шешендік өнер мен өткір логикасын көрсетті.
"Заң және Тәртіп" айлығы негізінде "Қауіпсіз автобус" айлығы барысында<br />"Бағдаршам" тақырыбында ашық тәрбие сағаты өтті.
