Білімге бастар әр қадам – болашаққа сенімді жол. «Болашаққа оң қадам» бастауыш бірлестігінің онкүндігі аясында 28.01.2026 жылы 2 «А» сыныбында қазақ тілі пәнінен «Түбір мен қосымша» тақырыбында Бишенова Айгүл Рзақызының ашық сабағы өткізілді. Сабақтың мақсаты – тірек сөздерді қатыстыра отырып, берілген тақырып бойынша әңгіме құрау және мұғалімнің көмегімен түбір мен қосымшаны ажырата білу. Сабақ барысында оқушылар пазл құрастыру арқылы шыққан суретке әңгіме құрап, тақырыпқа байланысты жеке және жұптық жұмыстар орындады. «Дені саудың – жаны сау» бөлімінде денсаулыққа қатысты мақал-мәтелдер айтылды. Сабақта жасанды интеллект қолданылып, Wordwall платформасы арқылы оқушылардың білімдері пысықталды. Сабақ соңында «Білім сандығы» әдісі арқылы кері байланыс жасалды. Ашық сабақ мазмұнды әрі қызықты өтіп, оқушылар белсенділік танытты.
«Болашаққа оң қадам» онкүндігінің аясында 27 қаңтар күні 3 «А» сыныбында Маширова Фариза Есенқұлқызының математика пәнінен ашық сабағы өтті. Тақырыбы: «Есептеу. Қорытындылау». Мақсаты: Оқушылардың есептеу дағдыларын жетілдіру, өткен тақырыптарды қайталау, білімдерін қорытындылау және логикалық ойлау қабілетін дамыту. Сабақта оқушылар есептеу дағдыларын жетілдіріп, өткен тақырыптарды қайталап, білімдерін қорытындылады. Түрлі деңгейлік тапсырмалар мен есептер арқылы логикалық ойлау қабілеті дамып, белсенділік артты. Сабақ мазмұнды, жүйелі өтті және барлық мақсаттарға жетті!
«Қуаныш күнделігі» – оқушылардың күнделікті оқиғаларды саналы түрде байқау және өзін-өзі көрсету дағдыларын дамытуға арналған психологиялық құрал.
«Новоишим қазақ жалпы білім беретін мектебі» КММ-де «Іштегі шуақты күн» онкүндігінің ашылуы өтті.
