Дамыта ойнату амалдары арқылы лагерь алаңын жандандыру

12.06.2018ж. «Балауса» лагерінің қатысушылары үшін қай салаға бейім екендіктерін танытуға мүмкіндік берерлік күн болды. Бұл күні балалар таңғы жаттығу мен пайдалы астан кейін әр түрлі пәндерді білу деңгейін сынауға арналған сайысқа түсті. Әр топ өз ішнен үздіктерді анықтап, теорияны білуден сынға түсті. Кейін, балалар өздерінің жіппен сурет салуға қаншалықты тез бейімделе алатындықтарын танытты. Алдымен жіппен сурет салу жолдары туралы мастер-классқа қатысқан бүлдіршіндер, бұл өнерді де жылдам игеріп, өзара жұмыс жасай білді. Әр баланың жұмысы өзінше ерекше, өзінше көркем болып шыққандығын паш ету мақсатында ортақ көрме ұйымдастырылды. Сурет әлеміне саяхаттап болған бүлдіршіндер екі топқа бөлініп, бір топ  мектеп алаңында эстафеталық сайысқа қатысып, спортқа деген сүйіспеншілігін танытуға құлшына кіріссе, екінші топ «Қазақ елі» атты патриоттық рухқа тәрбиелерлік мультфильм тамашалап, қазақ елінің терең тарихын өз дәрежесінде тануға мүмкіндік алды.   Осылайша, лагерьге қатысушы әр бала өзінің мүмкіндіктерін сынап көріп, жайдары жаздың тағы бір күнін достарымен көңілді өткізді.

       

Жаңалықты мекеменің сайтында қарау

Жаңалықтар тізіміне көшу

Пікірлер