2018 жылдың 04 қазан күні № 68 орта мектеп оқушылары «Қарттар» үйіне барып «Қарттарын қадірлеген – ел ардақты!» атты мерекелік кеш өткізді. Бұл күні оқушылар қарттарға деген қамқорлық пен құрметтті барынша тағы бір мәрте көрсетуге, ерекше ілипат танытуға тырысты. Халықаралық қарттар күні - бұл аталар мен апалардың, ата-аналардың, бір-бірінің қадірін білетін жақын адамдардың мерекесі. Бұл - жан дүниенің жомарттығы мен адамдық даналықтың, азаматтықтың кемел шағына деген құрмет. Ардагерлер қажеттілігінен алшақ қалмай, үлкендерге құрмет көрсету халықтың мәдениеттілігін сипаттайтын негізгі белгі. Өскелең ұрпақ үшін әр салада өзіндік қолтаңбасын қалдырған көнекөз қарияларымыздың орны ерекше. Оқушылар өз өнерлерін көрсетіп, ерекше көңіл-күй сыйлады. Қарттарымыз ризашылығын білдіріп, баталарын берді. Ең бастысы ата-ананы қадірлеу, сыйлау, мұндай ортаға ата-ананы қалдырмау керектігін түйсінді.
Жаңалықты мекеменің сайтында қарау